Kurteislegt brjev til kanselísins

Skammstöfnunin t.a.m. er einhvers sú leiðinlegasta sem til er. Fuss.

Er hægt að vera fylgjandi samkeppniseftirliti og hugmyndum um samfélagslega ábyrgð fyrirtækja? Það virðist ekki vera hægt.

Á meðan tilgangur samkppniseftirlits er að tryggja að markaðsniðurstaðan verði niðurstaða fullkomins samkeppnismarkaðar er samfélagslegri ábyrgð fyrirtækja ætlað að tryggja að niðurstaðan verði einhver önnur. Á meðan samkeppniseftirlit á að tryggja Pareto-hagkvæmni á SÁF að tryggja að horfið sé frá Pareto-kjörstöðu.

Það gengur því ekki upp hagfræðilega að halda með báðum hugmyndunum. Reyndar má endurskilgreina báðar hugmydirnar þannig að þær passi saman. Sem er soldið svindl og aukinheldur yrðu hugmyndirnar þá heldur rýrar.

Aukinheldur eru til samhyggjurök sem hníga að því að hugmyndirnar séu vel samþættanlegar. En fólk sem á móti kúgunum notar auðvitað ekki samhyggjurök.