Kurteislegt brjev til kanselísins

Hinn geðþekki samhyggjumaður Vésteinn Valgarðsson er með skemmtilega ábendingu í Morgunblaðinu í dag; það er ekki fallegt að gagnrýna Opruh fyrir að gagnrýna okkur og segja svo í sömu andránni að fólk í Bangkok sé agalega frjálslegt í kynferðismálefnum.

Sextíu ára afmæli loka heimstyrjaldarinnar finnst mér ágætt tækifæri fyrir menn til að beina sjónum sínum að þeim hlutum heimsins þar sem kúgun og fjöldamorð eiga sér stað núna. En greinilega hefur ekki gróið alveg um heilt á milli allra Evrópuríkjanna sem komu að stríðinu. Þetta er líka sjálfhverft lið.

Eins og fólkið sem býr á Íslandi, það er alveg agalegt að teprurnar í Bandaríkjunum hafi fengið tækifæri til að gagnrýni frjálslyndið okkar. Reyndar skilst mér að lauslætisímyndin valdi oft fráleitri hegðan útlendinga gagnvart konum hér á landi. Það hefur lítið verið rætt.