Kurteislegt brjev til kanselísins

Sendiherra Búrkína Fasó var í Mogganum í gær. Ég held með Búrkína Fasó. Það er uppáhaldslandið mitt ásamt Botswana. Bæði eru landluktar fyrrum nýlendur sem gengur sona þokkalega. Búrkína Fasó er reyndar ekki mjög ríkt land og lítið frjósamt en hagvöxtur er ágætur og stjórnarfar stöðugt. Búrkína Fasó hét áður Efri-Volta og er sjálfsagt enn þekkt undir því nafni. Því miður hefur ekki gengið mjög vel hjá nágrönnum Búrkína Fasó en nú síðast var eitthvað um vesen í Togo. Þar áður var það Líbería og Fílabeinsströndin. Það er ekki fallegt hvernig sumir hafa hagað sér þarna. Sósíalistarnir í Brasilíu græða reyndar á því þegar keppinautar þeirra á kakómarkaðnum (þ.e. Fílabeinsströndin) eru í klessu.

Hvað á mar að kalla fólk frá Búrkína Fasó? Fasinga, búrka eða búrkíninga?