Kurteislegt brjev til kanselísins

Mun stærri hluti tekna hins opinbera á Íslandi kemur frá óbeinum sköttum en annars staðar í heiminum. Það gerir lækkanir á tekjuskatti ódýrar hvað varðar tekjutap hins opinbera. Tekjuskattur er hins vegar sýnilegur skattur sem allflestir eru líklega mjög meðvitaðir um. Það gerir pólitíska ávinninginn af lækkun hans mikinn. Alþjóðlegur samanburður á tekjuskattshlutfalli verður sömuleiðis svolítið ósanngjarn þar sem Íslenska reikið reiðir sig hlutafallslega meira á vaskinn en önnur ríki.

Þar sem laun á Íslandi eru lág (að teknu tilliti til vinnutíma) en vöruverð hátt mætti einnig ætla að með þessu móti verði minni verðbjögun.

Fyrirlestur Jóns Þórs Sturlusonar í hádeginu um rannsókn sína á nýtingarleyfum var áhugaverður. Tilraunahagfræði er reyndar yfirleitt skemmtileg.

Söngleikur Verzlunarskólans er einnig skemmtilegur.

Þá er óhætt að fullyrða að vökublaðið lítur betur út en röskvublaðið þetta árið, innihaldið er eitthvað sem mar nennir síður að kanna.

Það er gaman að fara í fyrirlestur hjá góðum kennara. Það má þó segja að steininn hafi tekið úr þegar aðra vikuna í röð var farið nánar í hvað átt er við með máltækinu um að peningar hafi tvær hliðar.