Kurteislegt brjev til kanselísins

„To be honest, you've got to do whatever you feel comfortable doing, and ever since I've been doing that at Liverpool my form has dramatically improved. All players are the same when they're not playing well: it has to be something's fault.“
- Craig Bellamy

Reyndar er allt fólk svona. Skellir skuldinni af eigin vandkvæðum á ytri hluti en útskýrir vandræði annarra með persónuleikaeinkennum. Hjálpar okkur að halda í jákvæðu sjálfsmyndina.

Ein bezta grein sem birst hefur á tru.is (ath. merkir ekki að hún sje góð). Gaman að gvöðfræðingar tali um kirkjuna líkt og hún sje bara enn ein stofnunin og viðurkenna hlaðborðselement trúarinnar (betur þekkt sem „persónuleg trú“). En það gerir hjalið um málstofu trúarinnar, hvatningu til þess að kirkjan taki afstöðu og samþættingu kirkju og samfjelags skrítna. Það er ekki hægt að ná þessum markmiðum á sama tíma. Einstaklingsvæðing samfélagsins útilokar að fólk sætti sig við það að vera með persónuleg trú í kirkju sem tekur afstöðu (ekki bara stundum líkt og nú er) opinberlega (kenningin er falin frá meðlimunum). Kirkjan yrði þá samfjelagsafl sem stæði í átökum. Án þess að hafa lesið bókina gæti jeg reyndar hæglega verið að misskilja manninn.