Kurteislegt brjev til kanselísins

Það er kreppa. Það þarf að gera eitthvað. Förum í aðildarviðræður við ESB.

Það er eitthvað.

Menn eru búnir að greina vandamálin og finna lausnina. Rugl. Slagorð Intrum „Ekki gera ekki neitt“ virðist fólkinu hjartfólgið. Enda skuldsett þjóð. Hver stjórnar eiginlega umræðum á þessu landi?

Í morgunfrjettum rúv var sagt frá því að hluthafar Stoða hygðust afskrifa hlutafje sitt. Þeir hafa e.t.v. gleymt því að hlutafje má ekki vera núll í íslenskum fjelögum. Eða það fór fram hjá mjer að til stæði að breyta lánum í hlutafje. Grey bankinn sem þyrfti að taka yfir eignasafnið. Refresco, Royal Unibrew og Unity ásamt gjaldþrota banka. En það er sjálfsagt bara gott á lánadrottnana fyrir að lána í þessa vitleysu.

En eins og menn muna var hlutafjáraukning Baugs í FL group viðskipti ársins einhvern tíman skv. einhverju blaðinu. Blaðið sagðist m.a.s. styðjast við fína óháða sjerfræðinga. Sömu týpuna og núna þekkir leiðina út úr kreppunni.