Kurteislegt brjev til kanselísins

Sátt hefur verið um það á Vesturlöndum og jafnvel víðar að peningamálastefna sje best rekin með sjálfstæðum seðlabanka. Svo segir einhver hagfræðireglan nota skuli eitt tæki til þess að ná hverju markmiði. Og þess vegna átti Seðlabanki Íslands að hemja verðbólgu með stýrivöxtum sínum.

Sami löggjafinn og ákvað að Seðlabankinn ætti að gera þetta ákvað nefnilega að ríkið myndi á sama tíma eyða óheyrilegu magni peninga sem skapar þenslu. Og já, verðbólgu. Seðlabankinn varð því að hækka vexti. Og hækka enn meir.

Fyrir þetta eiga svo seðlabankastjórarnir að gjalda með æru sinni og starfi.

Einn helsti kostur sjálfstæðra seðlabanka í fræðunum er einmitt hve lausir þeir eru við pólitík. Stjórnmálamenn geta gagnrýnt þá og öfugt en hvorugur ræður yfir hinum. Í fræðunum.