Kurteislegt brjev til kanselísins

Oh, þetta er soo óvænt! Ég meina, hver hefði búist við þessu?

Fyndið að Steinunn Óskarsdóttir var rosahrifinn af skýrslu KB-banka um fasteignaverð. Í skýrslunni segir að lóðauppboð skipti nefnilega engu máli. Þar er huglæga virðiskenningin mætt. Fólk sem kaupir fasteign lætur sig litlu varða um kostnað þess sem byggði hana.

Það sem er svo skemmtileg við þetta er að í efnisgreininni á undan þeirri sem Steinunn Óskarsdóttir vísaði til stendur að hækkandi fasteignaverð sé yfirvöldum að kenna. Það sem er síður skemmtileg er það að fyrst um efnisgreinina á undan er að ræða má telja meiri líkur en minni á því að Steinunn hafi lesið hana. Þá er hún að ljúga. Það er ekki fallegt.

FTSEurofirst100 hækkaði skemmtileg jafnt þarna á tímabili.

Jóhanna Sigurðardóttir heldur fram hlutlægu virðiskenningunni eins og Árni Magnússon. Menn bíða spenntir eftir að rykið verði dustað af vinnuvirðiskenningu Marx. Já, eða vinnuráðstöfunarkenningu Adams Smith. Gott ef skólaspekingar miðalda hafi ekki einnig slegið í gegn með ýmsum miður gáfulegum virðiskenningum.

Fyrir utan þessa vitleysu tíundar Jóhanna rökin fyrir því að R-listinn valdi óeðlilegum hækkunum á fasteignaverði en dregur af þeim þá ályktun að þetta sé allt bönkunum að kenna! Þetta minnir mann á orðs skáldsins forðum: „How low can you go?"

Það er eitthvað krúttlegt við aðlþjóðlega sáttmála sem hafa sína eigin heimasíðu.

Einhver gutti er kynntur til sögunnar í fréttum Stöðvar 2 sem prófessor í Háskóla Íslands og segir að samræmd próf séu æði. Maðurinn er veðurfræðingur! Hvað er málið? Hvurslags sleifarlag er á þessari stöð?

Sú frétt ein og sér hefði svo sem verið nóg ef ekki væri fyrir það að Kristinn MUnnarson lagði sig mikið fram um að tala illa um einkavæðingu raforkukerfisins. Taldi hann það t.d. verða eitt af stærri deilumálum næstu missera. Hvað hefur hann fyrir sér í því? Ekki neitt! Það er þokkaleg sátt um einkavæðingu á Íslandi. Miðað við málflutning þeirra flokka sem sitja á Alþingi eru það aðeins VG og hugsanlega frjálslyndir sem gætu verið á móti. Hvenær hefur það talist sérstaklega fréttnæmt. Ef ég legði það í vana minn að uppnefna fólk myndi ég sjálfsagt láta eitthvað fylgja með um hr. MUnnarson.

Fréttastöðva Stöðvar 2 virðist sem sagt vera gengin í lið með Mogganum í sósíalismanum. Þarf ekki að afnema lög um fjölmiðla?

Margt býr í þokunni

Mogginn er alveg að missa sig í sósíalismanum. Hlynntir reykingabanni, æsa upp friðunarliðið og leggja svo til auðlindaskatt á orkufyrirtæki. Það vantar bara að Mogginn lýsi því yfir að ríkið eigi fólkið.

Árni Magnússon heldur fram hlutlægu virðiskenningunni á forsíðu Fréttablaðsins eins og ekkert sé sjálfsagðara. Það er merkilega hversu fáir átta sig á því að það er ekki kostnaðurinn sem fellur til við gerð vöru sem ræður verðinu heldur huglægi hlutfallslegi skorturinn af vörunni.

Now, I am going to say it. Neither Fidel Castro nor I talk nonsense.
- Hugo Chavez

Hversu ótrúverðug geta ein ummæli orðið? Jafnvel þótt maðurinn hefði spyrt sig saman við Rækjulistann er ólíklegt að þetta myndi hljóma verr.

Jón Bjarnason var hress í hádegisfréttunum.

Guðni Ágústson var svo í soldið skemmtilegu viðtali eftir fréttir.

Skemmtilega stjórnlyndur klukkutími hjá Ríkisútvarpinu.

Hversu fúlt er það að geta ekki leitað fullnustu krafna sinna gagnvart manni sem mar veit að á milljónavirði af kókæíni?

Þessi fasteignaheildsala kenning er skemmtileg. Ef þetta er rétt sannar það bara það sem hefur oft komið fram að verktakafélög eru illa rekin. Það er, munurinn felst líklega í því að heildsalarnir hafa lægri fjármagnskostnað og hafa því efni á að bíða lengur með að selja íbúðir. Sem þýðir svo aftur að heildsalarnir geta fengið betra verð. En þolinmæði er orðin ansi dýr ef þetta er helsta ástæða verðhækkana.

Skortur á íbúðum sem uppfylla þarfir fólksins er eins og bent hefur verið á aðalástæða háa verðsins. Með öðrum orðum offramboð af R-listanum hækkar verðið.

Uppsetningin á ritgerð Stefáns Jóns virðist vera sérstaklega sniðin að þörfum þeirra sem ætla sér að gefast upp á að lesa hana. Sem er kannski jafn gott því þetta virðist vera ótrúlegur kjaftavaðall. Svo er gaman að hausinn á síðunni hans inniheldur innsláttarvillu.

Agalega er mikið af leiðinlegum greinum í Mogganum. Hann er jafnan fullur af sósíalisma. Nema hvað Staksteinar eru stundum ágætir.

Þó að Mogginn og Stefán Jón hafi ekki reynst hin bezta byrjun á deginum þá tók steininn úr þegar einhver maður söng í útvarpinu strax eftir fréttir að hann vildi ekki verða hryggbrotinn. Svoleiðis lög eru óþolandi. Þetta er soldið eins og með Liverpool. Mar á ekkert að halda með þeim nema mar þoli smá mótlæti og vonbrigði.

Eins óþolandi og sona væl lög eru þá var nú kannski maðurinn í mogganum sem var að reyna að væla út óperuhús raunalegastur.

Það eru samskeiti á handklæðarúllunum í handklæðarúlluvélunum. Eftir mörg ár af handþvotti hef ég loksins komist að hinu sanna.

Nobody but me
Could know the way I feel

Skemmtilegt hvað Lena PH er svipaðar pælingar og sjá má í Hayek tilvitnununni hér að neðan. Ætli Svíarnir hafi ekki tekið eftir þessu?

Lækkum þá skattana. Koma svo!

Mjög sérstök fyrningargrein eftir Ágúst Ólaf á politik.is. Það er líkt og hann þekki ekki rökin fyrir reglum um fyrningu. Það væri a.m.k. eðlilegt að útskýra af hverju þau eiga ekki við um brotaflokkin sem hann er að tala um.

Þau nýtízkulegu rök hafa verið fundin í þessu máli að um vinnuvernd sé að ræða. Afar klókt. Hvernig væri að banna fólki einfaldlega að mæta í vinnuna?

This is the fundamental fact on which the whole philosophy of individualism is based. It does not assume, as is often asserted that man is egoistic or selfish, or ought to be. It merely starts from the indisputable fact that the limits of our powers of imagination make it impossible to include in our scale of values more than a sector of the need of the whole society, and that, since, strictly speaking, scales of value can exist only in individual minds, nothing but partial scales of values exist, scales which ae inevitably different and often inconsistent with each other. From this the individualist concludes that the individuals should be allowed, within defined limits, to follow their own values and preferences rather than somebody else´s. that within these spheres the individual system of ends should be supreme and not subject to any dictation by others. It is this recognition of the individual as the ultimate judge of his ends, the belief that as far as possible his views ought to govern his actions, that form the essence of the individualist position.
- F.A. Hayek

Hayek var indæll kadl. Ég gleymdi þessu svolítið í lýðræðisgreininni minni sem var á sus.is. Þessu með gildin, í fyrsta lagi að menn gefa sér í lýðræðisskýrslunni norrænu að lýðræðið hafi gildi og í annan stað það sem Hayek leiðir af ívitnunni hér að ofan, að lýðræðið virkar síst þegar gildi rekast á. Frelsið virðist í raun vera það eina sem virkar þegar gildi rekast saman. Að því gefnu að mar sé á móti kúgunum.

Þingmenn Sjálfgræðisflokksins hafa bara lagt fram eitt frumvarp á þessu ári. Þetta er engin frammistaða. Nái frumvarpið eina fram að ganga er nettóstaðan reyndar frelsinu í vil.

Skyldi ekki vera grein eftir strákinn á vef Sambands Úngra Sjálfstæðismanna. Dónaleg og illa rökstudd í þokkabót.

Sona miðlægar kjörskrár eru æði. Ég kaus í alveg 100 m fjarlægð fá minni byggingu. Rosa þægilegt. Næst kýs ég kannski í Eirbergi eða úti í haga. Ég held að það sé stór stafur í „Hagi". Svo eru sona miðlægar kjörskrár svo ódýrar.

Morgunblaðið sló í gegn í dag. Ekki bara fyrir vitleysuna í Staksteinum heldur líka fyrir forsíðuna. Graf sem sýndi gengi bréfa í Sommerfield plc. bar titilinn „Gengi FTSE í London" eða eitthvað álika. Jafnan er vísað til FTSE 100 hlutabréfavisítölunnar með FTSE en það er þó til nokkrar FTSE vísitölur.

London Stock Exchange eða LSE er einstaklega óheppin með lén. Lénin LSE.com og LSE.com eru voða upptekin. Janúar var einmitt metmánuður á LSE en sex milljón viðskipti áttu sér stað yfir mánuðinn. Sem er soldið minna en á NYSE. Reyndar mun minna.

"Proposals to allow private sector employees to do more voluntary overtime have angered trade unions and prompted huge street protests." Svo segja menn á BBC. Hversu ruglaðir geta þessir Frakkar orðið? Tók enginn eftir orðinu „voluntary"? Það hlýtur að teljast hápunktur lýðræðisins þegar franska þingið ákveður hvort fólk eigi að hafa val um að vinna yfirvinnu eða ekki. Franska þingið er reyndar að taka þessa ákvörðun aftur en það er voða stutt síðan þeim reglum sem fyrirhugað er að afnema var komið á.

Í morgunfréttunum var talað um hversu fáar konur væru í ótímabærum nefndum á vegum landbúnaðarráðuneytisins. Ætti nokkuð að vera fólk í ótímabærum nefndum?

Það er eitthvað miður geðslegt við þetta. Af hverja samþykkir Sjálfgræðislflokkurinn að taka þátt í þessu? Kemur kannski eitthvað skynsamlegt út úr þessu? Líklegast er nú að Halldór sé bara að plata okkur í bandarískan „family values" pakka.

Að biskup Íslands, heimili og skóli, íþrótta- og olympíusambandið eða ungmennasamband Íslands eigi fulltrúar þarna er fyrir neðan allar hellur. biskupinn er auðvitað sérfræðingur í fjölskyldumálum. Miklu betri en fulltrúar allra trúfélaga. Jafnvel þó ég stofnaði félagið Frjálsar samvistir ætti það ekki meira tilkall til að vera með en biskupinn. biskupinn er jú æðislegur, íhaldsamur, vinstrisinnaður og í plottklíku óla forseta á tyllidögum.

Frelsi gékk rosa vel um aldamótin 1900. Allir voru að stofna fyrirtæki og bara allt í blóma. Svo varð einhver óþolinmóður og ríkið fór að stofna fyrirtæki. Það gékk ekki vel. Um aldamótin 1900 voru menn soldið í því að finna upp og sona á eigin spýtur. Það gékk ágætlega. Svo varð einhver óþolinmóður og ríkið tók að miðstýra þessu. Það gékk ekki jafn vel.

Í könnun á politiken.dk kom í ljós að ég á mesta samleið með enighedlisten. Þeir virðast hins vegar vera sósíalistar. Getur ekki verið mjög vísindaleg könnun.

Þetta er R-listanum líkt. Reyna að pína Sjálfstæðismenn eins og þeir betur geta. Kjartan á þetta nú ekki skilið, hann er svo indæll.

Skuldabréf með kúponum eru soldið sniðug. Ætli kúponinn sé líka viðskiptabréf?

„Látum eitt yfir alla ganga og krefjumst einkunnaskila á sama tíma". Þetta er rosalýti á annars góðum bækling Röskvu. Reyndar er soldið af sósíalisma í honum en það var viðbúið. Hvað sem því líður er þessi setning alveg óskiljanleg. Eiga einkunnir allra stúdenta í hasskolanum að koma á sama degi? Eiga kannski allir að fá sömu einkunn? Eða á 1 að ganga yfir alla?

Nú er ég búinn að sjá Vöku, Háskólalistann, Röskvu og Röskvu . Vaka var verst en að öðru leiti er erfitt að gera upp á milli. H-listinn er reyndar bara með eitt mál. Sem gerir heimsóknir þeirra skemmtilega frábrugðnar frösunum og margnotuðu baráttumálunum.

Var Dow Jones fyrsti DJ-inn?

Er Gylfi Arinbjörnsson ekki að grínast með að vera á móti stjórnamálatengslum og kannast ekkert við samfylkingartengslin?

Lög Stúdentaráðs eru skemmtileg. Lang flestar reglurnar eru um átök fylkinganna tveggja. H-listinn gæti því haft rétt fyrir sér um valdapólítík eða hvað þeir kalla það. Fundargerðir Stúdentaráðs á vefnum eru allar frá starfsári 2003-2004 en engin frá árinu í ár. Þá virðast engir reikningar finnast á vefnum.

Séu engar fundargerða á vefnum gæti það helgast af því að engir fundir hafa verið haldnir. En samkvæmt 40. gr. er það bannað. Halda skal amk 10 fundi á ári. Hafi verið haldnir fundir hefur gleymst að auglýsa þá skv. 42. gr. laga stúdentaráðs.

Skilafundi skv. VIII kafla laganna hef ég aldrei séð auglýsta. Það kann að helgast af því að ég er lítt athugull og almennt sjálfhverfur. Af þessum kafla má þó ráða að skylt sé ráðinu að semja og láta endurskoða reikninga sína. En eins og getið var eru þeir ekki á netinu. Gaman.

Þá má að lokum geta þess að hjalið um að greiða þurfi fyrir alla stúdenta er þreytandi. Ég hef ekki enn verið í kúrs þar sem ekki er fallandi jaðarkostnaður (þ.e. hver viðbótar nemandi er ódýrari en sá sem á undan honum kom). Að því er mér skilst eru tekjur per nemanda hins vegar fastar. Það þýðir að jaðarábati af hverjum nemanda ætti að vera jákvæður. Til þess að afnema hvata háskólans til að fjölga nemendum úr hófi er þess vegna eðlilegt að hætta einhvern tíman að borga.

Þess ber að geta að fyrir deildir aðrar en bóknámsdeildir er jaðarkostnaður líklega fastur. Í þeim deildum þar sem gera má ráð fyrir að kostnaður sé með þeim hætti (tannlækna- og læknisfræði) eru hins vegar fjöldatakmarkanir. Eina vitið er auðvitað að forða háskólanum frá ríkinu. Þá duga þessar krónur alveg.

Toxic by Britney Spears

"It's getting late To give you up I took a sip From my devil cup Slowly It's taking over me " Ah, what's a year without breaking a few hearts? Literally.

Nema hvað?

Það var mikið framfaraspor hjá pólítik.is þegar greinin um niðurgreiddu getnaðarvarnirnar hvarf.

Málefnaskrá Röskvu er mun flottari og betri en bæklingur Vöku. Innihaldið er reyndar misjafnt. Ekki get ég kvittað upp á allt hjá Röskvu. Annað en hjá Vöku enda var í bækling þeirra lítið annað en almennur kjaftavaðall. Alla jafna er erfitt að vera á móti slíku. Nema þá helst af fagurfræðilegum ástæðum.

Það er altalað að svona skilti vanti á stúdentagarðana.