Kurteislegt brjev til kanselísins

Ef rjett er hjá morgunblaðinu að Baugsmenn haldi því aðallega fram að 104. gr. hfl. sé ekki nægilega skýr refsiheimild er um töluverðan viðsnúning að ræða. Alla jafna er þessu borið við í málum þar sem háttsemi sakborninga svo gott sem tvímælalaust fellur undir bannreglu en ekki má beita refsiheimildinni sem fylgir bannreglunni. Ástæðan fyrir því að refsiheimildinni má ekki beita eru jafnan þær kröfur sem 69. gr. stjórnarskrárinnar gerir til slíkra lagaákvæða. Það getur nú varla verið öll vörnin eftir allt hjalið um ofsóknir DO og almennt sakleysi Baugsmanna.

Það er afar móðgandi að Kínverjar skuli blokka amlisbadnið en ekki mig!

Alltaf grunaði mig að jeg passaði illa inn í kennisetningar kirkjunnar.

You scored as Emergent/Postmodern. You are Emergent/Postmodern in your theology. You feel alienated from older forms of church, you don't think they connect to modern culture very well. No one knows the whole truth about God, and we have much to learn from each other, and so learning takes place in dialogue. Evangelism should take place in relationships rather than through crusades and altar-calls. People are interested in spirituality and want to ask questions, so the church should help them to do this. Emergent/Postmodern 71% Modern Liberal 64% Classical Liberal 54% Neo orthodox 50% Roman Catholic 25% Evangelical Holiness/Wesleyan 25% Charismatic/Pentecostal 14% Fundamentalist 14% Reformed Evangelical 11% What's your theological worldview? created with QuizFarm.com

Eftir allir-hafa-það-betra/meiri-ójöfnuður rifrildi HHG og SÓ ákvað HHG að endurskilgreina hugtakið jöfnuður (sjá Lesbók Morgunblaðsins).

„...að ekkert væri óeðlilegt við sjálfsögð samskipti“
- Kristinn Björnsson í Morgunblaðinu

Einstaklega vel að orði komist. Toppar jafnvel rapparann Mims:

„This is why I’m hot

I’m hot coz I’m fly (fly)
You ain’t coz you’re not (mims) “

Tá úr lið. Skemmtilegt.

Auðvelt að útbúa Tiramisu. 2 eggjahvítur stífþeyttar, 4 eggjarauðum hrært saman við 150g af flórskykri. Við það er blandað 400g af mascarpone. Þá er eggjahvítunum blandað við með sleif. Svo raðar maður á disk lady fingers og hellir kaffi yfir þá. Eitt lag af blöndunni. Lag af súkkulaðispæni. Ladyfingers með kaffi, restin af blöndunni. Loks er kakó sigtað yfir. Geyma í kæli í nokkra tíma. Mikið einfalt.

Ef Davíð og Halldór og meirihluti þingsins studdi Íraksstríðið á þeirri forsendu að Saddam þyrfti að ryðja úr vegi og hafa ekki skipt um skoðun má teljast furðum sæta að arftakar Dabba og Halldórs hafi ekki hvatt alþjóðasamfjelagið til þess að gera eitthvað í málum Zimbabwe.

Í stjórnmálum komast menn gjarnan undan því að vera mjög samkvæmir sjálfum sjer. Samt er bannað að skipta um skoðun.

Alþýðuflokkurinn (nú samfylking) er mezti þjóðnýtingarflokkur Íslandssögunnar. Þjóðareignarblæti og stjórnarsáttmáli stjórnar hinna vinnandi stjetta og andstaða við kratískt skynsamlega einkavæðingu.

Af hverju er samfylkingin svona ljeleg í að vera krataflokkur? Það er fáranlega einfalt að vera nytjuhyggjukrati (líkt og flestir virðast vera).

Skandinavísk sögusöbbn eru öll eins: Víkingar, sverð og þess háttar. En víkingar voru í reynd bændur! Leikföng og kvennadót. Einhvers staðar má svo finna muni úr gröf aðalsmanna og tal um bálfarir. Að þessu loknu tekur við: altaristöbblur annað heillegt úr kirkjum. Gerðist ekkert eftir miðaldir? Hvað var Kalmarsambandið? Hvaða Norðurlandaþjóðir börðust í Napaleónsstyrjöldunum? Hvað með þrjátíu ára stríðið? Og af hverju gleymist siðbótin í öllu kirkjuröglinu? Hvað er með þessa tuttugustu öld - soldið þreytt kannski?

Þjóðminjasafnið er reyndar orðið fínt eftir breytingarnar.

Hvað er málið með matarlím?

Það skal verða Panna cotta. Og hananú.

KMA bloggar:

"Þeir sem ekki hafa séð With god on our side: The rise of the religous right ættu að gera það núna. Nauðsynlegt er að kaupa han því eintakið sem ég sá og var í eigu Laugarásvideo hefur verið stolið."

Leiðinlegt að Linuxinn minn vilji ekki gera íslenzkar gæsalappir. En rétt er að taka undir hvatningu Kristins enda er hann glöggskyggn og skarpvitur.

Og fyrst minnst er á hressa trúmenn þá var heilsíða í DV hvar auglýst var heimslitaráðstefna/fundur af aðventistum. En þeir aðhyllast einmitt árþúsundarhyggju (e. millenianism) og bíða spenntir eftir brotthrifningunni ef jeg man rétt. En í henni felst að allir sanntrúaðir verða numdir af jörðinni á meðan ráðið er niðurlögum hins illa eða eitthvað annað viðlíka skemmtilegt.

Fyrir utan það hversu margar setningar jeg byrja á aðaltengingu er athyglisvert hversu illa geimverur passa inn í þessa heimsmynd. Er gvöð svo mikill húmoristi að geyma illa lyktandi, syndugt og breyskt mannfólkið á rykkorni í alheiminum og láta baráttunni milli góðs og ills ljúka þar? Eða er hann að leika sama leikinn á fleiri plánetum?

Ekki þar fyrir að það skipti alvitran gvöð máli þar sem hann vissi hvernig þessu myndi ljúka áður en maðurinn var skapaður. Og reyndar áður en maðurinn var skapaður þar sem gvöð vissi að hann myndi skapa manninn og hvernig. Og hann hefði ekki getað skipt um skoðun því að þá hefði hann ekki verið alvitur. Eða eins og máltækið segir "god does not play dice".

Sem er leitt því það getur verið allskemmtilegt.

„Segir Stefán að honum þyki óneitanlega sem þessu fylgi nokkuð púrítanískur þankagangur. „Það er afturhvarf til fortíðar í tíðarandanum þessa stundina. Mér finnst þurfa svolítið góðan vilja til að sjá eitthvað hroðalegt út úr þessu slagorði. Slagorðin í herferðinni eru öll í þessum gír: Af hverju ekki að snúa sér beint að kjarnanum og ekkert vesen.““
- mbl.is

Sumir tengja nefnt veggspjald við staðlað kyngervi og hlutgervingu en Vífilfellingurinn sjer sjónarmiðin sem afturhvarf til íhaldssamra siðferðigildi Viktoríutímans. Jeg er ekki frá því að það hafi sjest í bera ökkla í nýjasta Hagkaupabæklingnum.

European Social Survey gagnagrunnurinn er rosafínn. Hjer gefur að líta kaupmáttarvegna landsframleiðslu á mann á móti hlutfalli íbúa lands sem merkja við 8 eða hærra á tíupunkta skala sem mælir trúhneigð. Svo sem sjá má er veik fylgni á milli breytanna en besta línan er frekar á því að minni trú fylgi auknum hagveksti. Lúxembúrg er þessi skrítni lengst til hægri. Á meðan Grikkir og Tyrkir eru í mesta trúarröglinu. Það skemmtilega er að það tók mig ekki nema fimm mínútur að útbúa þetta með ESS.

E.t.v. ætti maður að skipta löndunum í mótmælendur og katólikka. Þá er málefnalegt að henda Lúxemborg og jafnvel Noregi út.

Creme Brulee er einfaldur rjettur. Fyrst eru hrærðar saman 8 eggjarauður og slatti af sykri (held tæpur bolli). Þá er bætt við einum bolla af rjóma og smá vanillu til bragðauka (alvöru vanillu). Herlegheitin eru sett í skálar og vatnsbað og bökuð í klst. Lox þarf að henda öllu inn í kæliskáp í nokkurn tíma (yfir nótt jafnvel). Þá er bara að strá sykri yfir og brenna. Það er ekki gott að nota grill í ofni til þess að ná þessu rétt en jeg hef fulla trú á því að það sje hægt.

Er maður sem fer einn í líkamsrækt einræktaður?

Nokkrum sinnum hefur maður lesið á frjettir af fólki sem telur að trúfrelsi feli í sjer rjett til þess að krefjast þess að hlutir andstæðir trúnni sem annað fólk (þ.e. hinir vantrúuðu) tíðkar verði bannaðir. T.d. myndu einhverjir katólikkar telja eðlilegt að bannað væri að ræða samkynhneigð á leikskólum vegna trúfrelsis „katólskra“ barna. Lögfræðingurinn myndi sjálfsagt segja að hjer væri um framsækna lögskýringu að ræða. Reyndar er hún ekki fráleit þar sem það tíðkast að neikvæði mannréttindi verði jákvæð og að sum réttindi „trompi“ önnur. Í þessu tilviki væru slíkar skýringar hins vegar vart tækar. Ennþá.

Creme Catalan er spænsk útgáfa af Creme Brulee, sumir segja upprunalega útgáfan. Nokkuð ljúffengt. Búðingurinn er útbúinn með því að hræra saman 6 eggjarauður og 150 g af sykri. Við það er blandað 750ml af soðinni mjólk blandaðri með límónuberki og kanil. Þremur teskeiðum af maíssterkju loks hrært við og blandan soðin á ný í rólegheitum (hræra). Sett í skál/ar og inn í ískáp. Rétt fyrir framleiðslu er strásykri sáldrað yfir og hann brenndur. Nokkuð einfalt. Í stað mjólkur má nota sojamjólk en það gerir því miður litinn frekar leiðinlegann.

„Socialist, anti-family political movement that encourages women to leave their husbands, kill their children, practice witchcraft, destroy capitalism and become lesbians.“
- Pat Robertson um feminisma

Þessi hressi kadl taldi einnig að hýr helgi einhvers staðar í Flórída kynni að leiða til flóða, hvirfilbyla eða jafnvel loftsteins. Og þar sem hvirfilbylir ganga reglulega á land við suðurströnd BNA er það bara tímaspursmál hvenær hann getur fullyrt „sjáiði bara!“. Verandi trúleysingi hefi jeg afar sterka siðferðikennd og gæti ekki logið sona en mikið væri það nú indælt að vera televangelist í BNA.

„Og hvað tekur þá við? Tekur þá ekki skyndibitamenningin líka yfir á markaðstorgi trúarinnar og tilboðin af ruslfæði sem samanstanda af illa ígrunduðum kenningum sjálfskipaðra kennimanna sem fyrirlíta guðfræði sem vísindagrein?“
- Örn Bárður Jónsson

Maðurinn er sossum alltof duglegur að vera á móti kapítalismanum og illum afurðum hans enda trúir ÖBJ til dæmis á upprunasyndina: „Eftir fall Adams fæðast allir menn, sem getnir eru á eðlilegan hátt, með synd, en það merkir án guðsótta, án guðstrausts og með girnd. Þessi upprunasjúkdómur eða spilling er raunveruleg synd, sem dæmir seka og steypir í eilífa glötun þeim sem ekki endurfæðast fyrir skírn og heilagan anda“ og endurkomuna: „Kristur mun birtast við endi heims til að dæma og mun hann uppvekja alla dauða. Guðhræddum mönnum og útvöldum mun hann gefa eilíft líf og eilífan fögnuð“.

Fyrir utan þríeina guðdóminn sem felst í því að einn sje þrír og þrír sje einn. Trikk sem maður fjekk ekki að nota á stærðfræðiprófum í æsku illu heilli.

Að kalla guðfræði vísindagrein!

Hvernig væri nú að menn settu almenn lög um ekki neitt. Þau gætu verið sona:

1. gr. Íslenska er indælt túngumál
2. gr. Íslendingar eru fallegir
3. gr. Hálendi Íslands er afar snoturt
4. gr. Öryrkjar, haltir, blindir og aðrir smælingjar eiga allt gott skilið.
5. gr. Ljúffengur kaffiís: 1dl flóuð mjólk, 1 dl kaffi, 150g sykur, sex eggjarauður og hálfur líter rjómi.
6. gr. lög þessi taka þegar gildi

Skyldi einhver nenna að flytja þetta frumvarp skyldi jeg glaður semja greinargerð.

Nýtt frumvarp til jafnstöðulaga er frískandi. Jeg sje fyrir mjer mörg erindi til jafnréttisstofu á grundvelli 29. gr. frumvarpsins verði það samþykkt.

Liverpool er komið upp í þriðja sæti sem líklegasti sigurvegari meistaradeildarinnar hjá William Hill veðmálastofunni. Skrýtið að chelsea sjer þar í efsta sæti.


Ein vika búin, bara 99 eftir. Frábært.

Það var einstaklega fallegt af Ríkisútvarpinu að deila fagurmótuðum þjóhnöppum mínum með fólkinu sem land þetta byggir og í reynd heimbyggðinni allri í gegnum lýðnetið.

Er það pínlegt fyrir homófóbísku kirkjudeildir heimsins að Leonardo Da Vinci sem málaði síðustu kvöldmáltíðina á klausturvegg skuli hafa verið samkynhneigður? En ef Michelangelo var hommi?

Kjánaleg þórðargleði.

Það er eitthvað með að reka við á meðan magaæfingar eru framkvæmdar.

Einhver sá ástæðu til þess að finna að athugsemdum mínum um frjálsan vilja. Að því er mjer sýnist með rökunum: hann er vízt til og ef hann er ekki til hefur það óæskilegar (sósíalískar) afleiðingar. Það er ekki góð latína að rögla saman staðhæfingum um staðreyndir og mögulegum pólitískum afleiðingum sínum.

En jeg hefi fulla trú á því að FOK hafi átt við að frjáls vilji væri ef til vill ekki alger en það breytti ekki því að fólki farnaðist jafnan bezt í lýðfrjálsum ríkjum (andstætt því sem gjarnan er ranglega nefnt miðstýrð ríki). En jeg er sossum bara frístundavinur frelsis og geri því líklega engar greinamun á því hvort um hafi verið að ræða ad hominm rökvillu eða eitrun brunnsins rökbragðið.

Það hefur verið hressandi að sjá hvernig fjömiðlar hafa fjallað um þjóðlenduályktun framsóknarmanna. Tillagan (þ.e. drögin fyrir flokksþingið) felur í sjer breytingu á formreglum en ekki efnisreglum. Af frjettum hefur mátt ráða eitthvað allt annað. Skemmtilegt að framsóknarmenn hafi ekki þorað meiru í trúmálakaflanum í drögunum að ályktunum fyrir flokksþingið sitt, heldur betur gælt við kristna ísland. Og útlendingum á að hjálpa til að læra íslenzku. "Tómleika spekinnar er erfitt að hylja" eins og maður söng um árið.